De lètste tiëd duuk ich dèks in ug geweldig
archief en ofsjoan ‘t meisjte materejaal aafsjtamt van veur dae tiëd, dat ich
pas sinds 1973 get mit Nöth te make kroug om doa op miën nögetaende es
badmeister te actere in dat leive kleine “Zjwöm- en Sjporttempelke / Theaterke
de Keelkamp” en driej joar d’r noa ‘t veurrech mog höbbe doa es vriejgezèl pès
1989 zoa gaud wie ‘nne rigtigge Nuther te mouge zaen, wil ich uch toch ‘n groat
komplement make mit ugge verzameling van buik en filmkes van joamer genog
vervloage tieje en haut ich ‘t soms neit drög biej ‘t zaen van onjer anjere ‘n
repertaasj van auw fotoos begeleid door ‘n leidje van Jos Meese, ‘nne rigtigge
Nöther en doabiej auch nog ‘nne keleegabadmeister, dae evvel neit in os
“Keelkamp-Tempelke en Theaterke” actief is gewaes.
Dat leidje is getiteld “T dörp, woa ich zoa völ
van heilt” en biej die weurd wil ich mich gans aansjloëte, want ofsjoan ich
sinds 1989 weg bèn oët Nuth om es “Onnöther” wiejer te goan in ‘t “Hollesj om
de Houk”, Haelder en doanoa Broenssem-Traebik, vuil ich mich boëte “Zittesje
Sjnaak” toch nog ummer ‘nne rigtigge Nöther.
Wim Gerards of Wim de Badmeister.
Geen opmerkingen:
Een reactie posten